Havila Kystruten-tur utsett

Inntil i dag var planen til Havila Kystruten at Havila Polaris skulle ha første avreise frå Bergen 29. desember i år.

No er dei fire første rundturane Bergen-Kirkenes utsett, som betyr at første tur først blir i februar 2023.

Les børsmelding her

Fartøyet er ferdig hos Tersan Shipyard i Tyrkia, men dei naudsynte formalitetane i samband med finansieringa av fartøyet er ikkje på plass, ifølgje børsmeldinga.

Russisk finansiering
Havila Kystruten sine fire gods- og passasjerskip var opphavleg finansiert av det statseigde russiske finansieringsselskapet GTLK.

Då Russland gjekk til angrep på Ukraina vart GTLK etterkvart også omfatta av sanksjonane og Havila Kystruten måtte finne ny finansiering for å kunne bruke skipa.

9. desember fekk Havila Kystruten ein kjennelse frå ein rettsinstans i London som godkjente refinansieringsplanen. Havila Kystruten betalar pengane til GTLK inn på ein konto som er sperra inntil sanksjonene er oppheve, og frir seg dermed frå bindingane til det russiske selskapet.

Treng nye løyve
For at refinansieringa skal vere i orde må Havila Kystruten få på plass dei naudsynte løyva både frå land dei sperra kontoane er og frå landa der det nye finansieringa kjem frå.

Det er usikkert kor lang tid det vil ta å få desse løyva og andre naudsynte formalitetar på plass, ifølgje børsmeldinga. Det er grunnen til at første tur med Havila Polaris er utsett. Frå før har Havila Kystruten to av fire skip i trafikk. Det fjerde skipet skal etter planen starte segling våren 2023.