Havyard utset rapportering

For tredje gang avlyser børsnoterte Havyard Group å legge fram kvartalsrapportar. Korkje for tredje og fjerde kvartal 2019 la Havyard Group fram rekneskap, og selskapet vil heller ikkje legge fram tal for 1. kvartal i år,
Årsrapporten med reknskapen for 2019 skulle etter planen leggast fram torsdag 30. april og generalforsamlinga skulle haldast 28. mai. No er begge deler utsett. Årsrapporten skal leggast fram seinast 10. juni og generalforsamlinga 3. juli 2020.
"Coranoaviruset, samt øvrige forhold, har medført forsinkelse i rapporteringen av årsregnskapet", skriv selskapet om årsaka til utsetjingane.

Store tap

Berre tre veker etter at Havyard Group la fram tala for 2018 melde selskapet at tapa blei 100 millionar større enn først rapportert.

Det var starten på fleire meldingar om negativt nytt frå selskapet, og 11. februar melde Havyard Group at det var søkt om gjeldsforhandlingar i datterselskapet Havyard Ship Technology. Havyard Ship Technology omfattar skipsverftet i Leirvik i Sogn.

Håpte på rask avklaring

Då Havyard 11 mars i år ba obligasjonslångivarane om meir tid (og fekk det), skreiv selskapet at det håpa på ei avklaring i løpet av fire veker. Den tidsplanen fekk ikkje Havyard Group innfridd.
Gjeldsforhandlingane i Havyard Ship Technology blir leia av Håvard Wiker.