Her er det ingen koronapessimisme

- Hos oss går det heilt greitt. Vi kavar på kvar dag, seier dagleg leiar Gunnar Berge ved Stranda Stålindustri.
Stranda-selskapet omsette i fjor for 26,8 millionar kroner, og sat att med eit resultat før skatt på 2,4 millionar (sjå tabell).
- Vi er godt fornøgde med fjoråret, sjølv om vi merkar at det er aukande prispress, seier Berge.

Ingen koronapermitterte

Bedrifta vart etablert i 1997 og vi er lokalisert i Svemorka Industriområde. Her disponerer selskapet rundt 1800 kvadratmeter moderne produksjonslokaler.
Totalt er det elleve tilsette.
Berge seier at det ikkje har vore permitteringar på grunn av korona.
- Nei, vi har hatt jamnt bra med arbeid heile tida.
- Vi er fleksible, og hiv oss fort rundt. Det har vi igjen for i dagens situasjon.

Korte tidshorisontar

Bedrifta har hatt mange oppdrag til bedrifter som Norsk sjømat, Orkla Foods og Optimar, men har også spesialprodukt som vinreolar og bålpanner.
- Vi kan utføre det meste innanfor stålprodukt, seier Berge.
Han er spent på kva konsekvensar koronapandemien får for næringslivet i regionen.
- For vår del har vi ikkje merka nokon nedgang, men vi arbeider med korte tidshorisontar, slik at også vi er usikre på korleis det ser ut lenger framme.
- Men så langt ser det greitt ut.
Stranda Stålindustri er eigd 35 prosent kvar av Gunnar og Martin Berge, medan Bjørnar Engeset eig 30 prosent.