Hurtigruten snartur innom Ulsteinvik

Tidleg onsdag segla MS Midnatsol inn til Ulsteinvik. Dei som hadde håpt at det betyr meir jobb for arbeidarane ved nokre av verfta, blir skuffa.
– Skipet skal berre innom for å legge frå seg ein del utstyr, som MS Spitsbergen skal plukke opp på eit seinare tidspunkt, fortel kommunikasjonssjef Rune Thomas Ege i Hurtigruten til NETT NO.
Lokalavisa skriv at det dreia seg om tenderbåtar levert av Hatløy Maritime, som no skal på service.

Skal bygge om fleire skip

Hurtigruten lanserte i fjor planar om å . Arbeidet med MS Finnmarken er allereie gjort ved Fosen, og det er ikkje gjort offentleg kva for verft som får oppdraga med dei neste.
Ege fortel at det er vanskeleg å seie kor tid det skjer, så lenge koronasituasjonen har sørga for å legge dei fleste av reiarlaget sine skip til kai.
– Før vi får kontroll og oversikt over når inntektene kjem tilbake, der et vanskeleg å forsvare å starte opp oppgraderingsprosjekt til fleire hundre millionar, legg han til.
I starten av april at dei forlenga driftsstansen med seks nye veker.

Kleven skal vere sikra oppdrag

Det har vore spekulert i om Kleven verft vil sikre seg ein del av oppdraga. Verftet sjølv at dei hadde betydelege leveransar til fire ombyggingsprosjekt for Hurtigruten i 2020 og 2021, men reiarlaget sjølv har ikkje stadfesta dette.
Tre av skipa som har gått i rute mellom Bergen og Kirkenes – MS Midnatsol, MS Trollfjord og MS Finnmarken – skal frå , der dei mellom anna skal anløpe Ålesund og Hjørundfjorden. Hurtigruten planlegg også ei oppgradering av MS Trollfjord og MS Midnatsol.
Kommunikasjonssjef Ege fortel at det framleis er tid til dette: – Ei ombygging tek alt frå nokre veker til månader. Til dømes blei oppdraget med Finnmarken på Fosen unnagjort på tre månader, fortel han.