Ingen fritidsbustad-kollaps på Nordvestlandet

Samanlikna med 2020 har kvadratmeterprisen for ein fritidsbustad i bruktmarknaden i Stranda kommune stige med 27,5 prosent. Prisen har gått opp kvart år, også i år. Ved utløpet av 3. kvartal er den på 44.982 kroner kvadratmeteren.

Stranda har den høgaste kvadratmeterprisen for brukte fritidsbustadar på Nordvestlandet, viser ei oversikt partnar René Skarmyr i meklarselskapet Privatmegleren i Ålesund har sett opp over pris- og aktivitetetsutvikling i dei mest populære fritidsbustad-marknadane for folk på Nordvestlandet.

Det generelle biletet er at prisnivået har halde seg relativt godt, men at det er skilnadar mellom dei ulike områda.

Flest fritidsbustadar på Bjorli
Det er på Bjorli er aktiviteten i bruktmarknaden har vore størst i år. 44 fritidsbustadar er selde og 57 har vore lagt ut i marknaden. Mengda fritidsbustadar som er lagt ut for sal er høgare enn i åra 2021-2020. Så langt i år er snittprisen kr. 35 952 per kvm.

Toppnivå på Bjorli var i 2022 med ein kvadratmeterpris på 36.657 kroner. I fjor var den 35.772 kroner.

Høgast pris på Stranda
Fritidsbustad-marknaden i Stranda kommune handlar først og fremst om Strandafjellet. Der er det mellom anna fleire leilegheiter enn på dei andre populære stadane for fritidsbustad. Det er med på å trekkje kvadratmeterprisen opp, ifølgje Privatmegleren-partnar René Skarmyr. Hittil i år er det seld 28 og lagt ut 35 fritidsbustadar i Stranda kommune. Det nesten heilt på gjennomsnittet dei fire siste åra.

Stryn var på pristoppen i bruktmarknaden i 2022. Då var gjennomsnittsprisen for fritidsbustadar der 45.712 kroner. I fjor fall den til 41.328 kroner kvadratmeteren. Statistikkgrunnlaget for Stryn er imidlertid litt sparsamt. 15 fritidsbustadar er lagt ut og 10 seld i år.

På Fjellsætra er 10 fritidsbustadar er lagt ut for sal i år, 9 er selde. Det er nesten ei halvering sida 2021 då 17 Fjellsætra-hytter vart selde i bruktmarknaden.

På Overøye i tidlegare Stordal kommune er kvadratmeterprisen på de åtte fritidsbustadane som er seld i år 40.601 kroner kvadratmeteren, hårfint under prisnivået i fjor. Her er ni hytter lagt ut for sal i år.

Topp i 2021
Under koronapandemien i 2020-2021 var det mange som ville ha hytter.

Stryn kommune gav 30 igangsetjingsløyve det året. Etterpå vart antalet meir enn halvert, og i fjor vart det gitt 12 slike løyve av kommunen. Eit igangsetjingsløyve er eit klarsignal for å starte bygging, medan sjølve bygginga kan starte seinare.

I Stranda kommune vart gitt i seks igangsetjingsløyve i 2021, 15 i 2022 og 17 i 2023. så langt i år har kommunen gitt ni løyve.