Inntektsfall i Kongsberg Maritime

Ordreinngangen til Kongsberg Maritime - som mellom anna omfattar Kongsberg Gruppen sine selskap på Nordvestlandet - fall frå 4,9 milliardar kroner i 2. kvartal 2019 til 3,9 milliardar kroner i 2. kvartal 2020, viser Kongsberg Gruppen sin kvartalsrapport for 2. kvartal 2020.

Dekksmaskineri-divisjonen er den einaste i Kongsberg Maritime som hadde vekst i ordreinngangen i 2. kvartal, mellom anna takka vere kontrakta med det amerikanske selskapet Ocean Infinity på eit nyutvikla system som skal handtere fjernstyrte undervannsfarkoster (ROV) frå ubemannede fartøy.

Resultattabellar kan du lese til høgre for artikkelen. Om du les på mobil finn du tabellen nederst på sida

Ettermarknaden krympar

Også ordreinngangen i ettermarknaden (vedlikehald, inspeksjon og reparasjonar) fall i 2. kvartal, først og fremst mot slutten av kvartalet. Ordrereserven for Kongsberg Maritime har gått ned frå 12,9 til 12,1 milliardar kroner.
Koronakrisa frå mykje av skulda for inntektsnedgangen.
Slik oppsummerer Kongsberg Gruppen 2.kvartal for Kongberg Maritime: "Nedadgående trend i ordreinngang og driftsinntekter som følge av covid-19. Iverksatte tiltak sikrer et tilfredsstillende resultat i kvartalet samtidig som det knyttes usikkerhet til de neste kvartalene."

485 færre årsverk

1. april 2019 tok Kongsberg Gruppen formelt tok over marinedivisjonen til Rolls-Royce, som mellom anna omfatta Rolls-Royce-verksemdene på Longva, i Brattvåg, Ålesund, Hjørungavåg og Ulsteinvik.

Etter overtakinga varsla Kongsberg kostandskutt, som mellom anna har ført til at Kongsberg Maritime no sysselset 485 færre årsverk enn før overtaking. Ein stor del av nedbemanninga har skjedd ved at servicestasjonane til Rolls-Royce sin marinedivisjon i utlandet er slått saman med Kongsberg Gruppen sine stasjonar.