Kassa krympar vidare

Ved utgangen av 2025 hadde Arctic Bioscience sju millionar kroner i tilgjengleg likviditet, som betyr kontantar eller andre lett tilgjenglege verdiar. Ved utgangen av 2025 er den tilgjenglege likviditeten krympa til 5,2 millionar kroner.

Ei slunken kasse har mellom anna betydning for korleis selskapet ser for seg vidare satsing på å utvikle eit silderong-basert legemiddel mot hudsjukdomen psoriasis, basert. Det skal skje i samarbeid med andre, fortel selskapet i kvartalsrapporten per 4. kvartal 2025:

"Likviditetssituasjonen overvåkes fortsatt tett. Styret vurderer kontinuerlig likviditetstiltak utover de som allerede er gjennomført. Dialogen med finansieringspartnere er tett og god. Videre utvikling i pharma-relaterte prosjekter vil bli søkt finansiert separat gjennom partnerskap eller spesifikk prosjektfinansiering."

Legemiddel og helsekost
Arctic Bioscience driv helsekostproduksjon og legemiddelutvikling basert på silderogn, med hovudkontor og produksjon i Hovdebygda i Ørsta. Selskapet er børsnotert, med fleire investorar på Nordvestlandet som store eigarar. 

I tillegg til utvilling av eit middell mot psoriasis er Arctic Bioscience i arbeide med eit middel som skal hjelpe utviklinga av hjerna hos svært tidlegfødde barn, og eit middel mot augesjukdomen grøn stær.

Sjå resultatpresentasjon og oppdatering direkte frå klokka 10.00 eller i opptak seinare ved å klikke på denne lenka.

Skuffa
Målet har vore å få godkjent middelet som eit legemiddel, men ein større medisinsk studie skuffa då dei første resultata kom i 2024, ved at også testpersonar som berre tok eit narremiddel fekk positive utslag.

Dei meir detaljerte funna frå studien oppmuntra selskapet til å gå vidare, mellom anna for å få med partnarar for å finansiere utvikling og ytterlegare studiar.