Klarsignal til emisjon

Styret i offshorereiarlaget Golden Energy Offshore Services fekk ja til framlegget om å auke eigenkapitalen i selskapet på den ekstraordinære generalforsamlinga i dag.

Les børsmelding her

I september i fjor henta selskapet inn 10,3 millionar kroner i ei kapitalutviding. Då var målet å få inn mellom 10 og 34,5 millionar kroner.

Poenget med den nye kapitalutvidinga er delvis den same som var ein av årsakene til kapitalutvidinga i fjor. Selskapet skal betale gjeld på dei to PSV-ane Energy Empress og Energy Duchess, som selskapet gjennom eit datterselskap i 2018 overtok frå Nantong Rainbow Offshore & Engineering Equipment.