Kongsberg Maritime slit - 115 permitterte på Sunnmøre

«Vi er i ein ekstraordinær situasjon som følgje av ringvirkningane av pandemien og må gjere nødvendige tiltak for å tilpasse kapasitet til aktivitetsnivået. Det er beklageleg at vi må gå til permitteringar, men situasjonen er så alvorleg og uavklart at vi må gjere dette for å sikre finansiell robustheit gjennom ei krevjande periode.»
Det skriv kommunikasjonsdirektør Ronny Lie i Kongsberg Gruppen i ein epost til NETT NO.

400 permitterte totalt

Han opplyser at samla er 400 tilsette i Kongsberg Gruppen i Norge no permitterte. I tillegg kjem permitteringar og kapasitetstilpasningar internasjonalt.
Av dei 400 norske permitterte er 115 permitterte ved Kongsberg Maritime sine bedrifter på Sunnmøre.
I tillegg er det permitteringar i Kongsberg, i Horten og ved fleire bedrifter på Vestlandet.
"Vårt fokus er å ivareta alle dei dei som blir berørte på ein best muleg måte og håper at situasjonen normaliserer seg raskt slik at våre kollegaer snarast muleg kan vende tilbake på jobb", skriv Lie.

Oppdaterer marknaden

Han opplyser at permitteringane gjeld alle forretningsområde, støtte- og stabsfunskjonar, med hovudtyngda innanfor sivil verksemd.
Kongsberg Gruppen oppdaterer marknaden fredag om situasjonen for konsernet under koronakrisa. I blir det slått fast at situasjonen er verst for Kongsberg Maritime, som i hovedsak har sine tilsette på Sunnmøre.
I meldinga blir det vist til at Kongsberg Maritime har utstrekte internasjonale operasjonar og blir dermed direkte berørt av nedgang i handel og verdsøkonomien.

Utset prosjekt

Det blir også vist til at reiserestriksjonane som mange land har innført, påvirkar deler av service- og ettermarknaden, der Kongsberg Maritime er store, blant anne med kontor- og serviceapparat i 34 land.
No opplyser Kongsberg Gruppen at akvititeten i Kongsberg Maritime er redusert, og det er blant anna beslutta å setje på vent visse ikkje-kritiske utviklinsgprosjekt.
Det blir også vist til at oljeprisfallet kan føre til lavare aktivitet i olje- og gassmarknaden.

Litt betre i Asia

I børsmeldinga blir det også vist til at Kongsberg Maritime har store operasjonar i Asia, hovudsakleg i Kina, Sør-Korea og Singapore.
I denne regionen, der koronautbrotet starta, har styresmaktene ifølgje Kongsberg Gruppen tilsynelatande fått kontroll på situasjonen, og samfunnet synest å vere på veg tilbake til ein normalsituasjon.
Kongsberg Gruppen opplyser at forsvarsdelen av konsernet også er berørt, men i mindre grad enn Kongsberg Maritime.
Her blir det vist til at både Kongsberg Defence & Aarospace og Kongsberb Satelitte Services er definerte som samfunnskritiske oppgåver.

Utstyr på 30.000 skip

Kongsberg slår også fast at konsernet har ei solid finansiell stilling, og er godt rusta til å takle ekstraordinære situasjonar.
Men det blir også vist til at for Kongsberg Maritime er det spesielt viktig å vere på plass internasjonalt ettersom selskapet har utstyr plassert på 30.000 skip over heile verda.