I dag er det berre eit fåtal lånekunder i banken som har fått utsett betaling av avdrag. Av samla utlån på 3,2 milliardar kroner utgjer lån med avdragsfridom berre 30 millionar kroner, fortel administrerande direktør Eirik Kavli i Ørskog Sparebank.
Banken gav fire månader med avdragsfridom til dei som bad om det då koronaepidemien kom i mars i fjor. Då dei fire månadane var omme var det nesten ingen som bad om at avdragsfridomen vart forlenga.
Større rentekutt på utlån enn innskot har pressa rentemarginen (skilnaden mellom utlån- og innskotsrente) og Kavli seier banken har tapt meir på svekka rentemargin enn på korona. Resultatet for 2020 blei likevel langt betre enn han frykta då koronaepidemien kom i mars 2020.
Utlånsveksten til banken var på 8,4 prosent i fjor.
| Ørskog Sparebank | ||
| Tal i mill. kroner | 2020 | 2019 |
| Inntekter | 70,2 | 66,9 |
| Resultat før tap | 26,4 | 29,9 |
| Resultat før skatt | 23,1 | 28,5 |
Publisert: 19.03.2021 13:49
Sist oppdatert: 19.03.2021 13:52
