Kraftig vekst for dørseljarar

- Det ser bra ut. Vi håpar å nå 200 millionar i 2020, vi utvidar lager og kontor, og vi planlegg å tilsetje fleire folk, seier Skar.
Selskapet starta offensivt opp i 2001, etter at dei fem gründerane fekk salsrettar for ein dørprodusent av kvite dører i Latvia.
- Vi stod på døgnet rundt, deltok på Bygg Reis Deg-messa og andre messer, men året etterpå var aksjekapitalen tapt og det stod att 17 kroner på kontoen, seier Skar.

Frå to til 18 tilsette

Saman med Jan Runar Holsvik heldt Skar fram satsinga. Det vart gjennomførte ein emisjon, og selskapet bygde seg på nytt gradvis opp.
- I 2003 var omsetninga åtte millionar kroner og vi tilsette mann nummer tre våren 2004. No er vi 18 tilsette og vil i 2017 omsetje for godt over 125 millionar kroner.
- Vi byggjer også no ny lagerhall, og vil om kort tid ha 4500 kvadratmeter lagerplass. Fult utbygd er det plass til 7000 kvadratmeter lager.

72.000 dører

I dag leverer Hovdebygda-bedrifta dører over heile Norge.
- Siste året selde vi 72.000 dører og 45.000 karmsett.
- Hittil er vi 14 prosent framfor fjoråret, men det svingar mykje frå månad til månad.
I dag Egil Skar eig sjølv 12,7 prosent av selskapet. Den same eigardelen har dagleg leiar Jan Runar Holsvik. Største eigarar er Bergens-firmaene Florvaag Bruk Holding og Leigland Bygg, kvar med 27,2 prosent, medan Nordek/Mestergruppen har 20 prosent.

Eigarane er kjøparar

Eigarane står for 65 produsent av omsetninga.
- I stor grad kan vi leve av å levere dører til eigarane våre, seier Skar.
Selskapet eigde eit latvisk firma som produserte dører, men dette selskapet vart seld i fjor.
- Vi skal ikkje lenger vere dørprodusent. Vi skal vere grossist, seier Skar.

Renessanse for furudøra

Han seier at dørmotane har endra seg voldsomt sidan starten.
- No går det framleis mykje bomullskvitt, men svart, grått og klassisk kvit kjem meir og meir.
- Men no er faktisk også furudøra på vei tilbake.