Kråkebolle-avtale i Australia

Gjennom investeringselskapet Kaston International har fiskebåtreiar og investor Sigurd Teige i Herøy inngått lisensavtale med den norske forskingsinstitusjonen Nofima om retten til å produsere kråkebollefôr i Australia og New Zealand.
Frå før har Kaston lisensavtalar for fôrproduksjon også i Japan, Canada og USA.
Fôret er utvikla av Nofima, men det er Kaston International som står for kommersialiseringa av produktet, og marknadsfører kråkebollesatsinga under varemerket Urchinomics.

Forar opp vilfanga kråkebollar

Fôret er eit spesialfôr berekna på oppdrett av villfanga kråkebollar. Det har eigenskapar som gjer at kråkebollane kan auke rogninnhaldet frå fem til 25 prosent, i følgje ei .
Kaston satsar på å selge norskutvikla teknologi til kråkebolleoppdrett. Etter å ha testa det norske fôret i Japan sidan 2014 fekk selskapet i fjor ein avtale med det japanske Mitsubishi-konsernet om produksjon av fôret i Japan.
No blir det utført tilsvarande testing i Canada og Australia.
- Med Nofimas unike kråkebollefôr, gode relasjonar og tilgang til den japanske og asiatiske marknaden, samt eit raskt veksande nettverk av oppdrettarar så håpar og trur vi dette skal bli ein suksess både for miljø og aksjonærar, seier Brian Takeda i Urchinomics i pressemeldinga.

Manglande regulering

Opphavleg planla Kaston å gå sterkare inn i sjølve oppdrettverksemda, men manglande regulering av kråkebolle-oppdrett sjøen har foreseinka framdrifta i Japan, sa Takeda til NETT NO i november i fjor.

Det handla mellom anna om å få avklart juridiske rettar knytt til produksjonen.
Konsekvensen er at Urichinomics-prosjektet har snudd seg mot kråkebollar-oppdrett i anlegg på land i Japan og mot oppdrett både på land og i havet i Canada.