Kursfall i børsopning
Salmon Evolution-kursen fall då børsen opna i dag, men kursen er høgare enn i kapitalutviding i går kveld.
Etter at børsen stengte i går kveld varsla Slamon Evolution at selskapet ville hente inn meir pengar.
Då var aksjekursen 9,80 kroner per aksje.
I går kveld var kapitalutvidinga gjennomført. Salmon Evolution får inn 300 millionar kroner i ny eigenkapital, til ni kroner aksjen.
Klokka 09:06 i dag, onsdag 6. april er kursen 9,28 kroner aksjen.
Pengane frå kapitalutvida skal selskapet delsvis bruke til å bygge steg to av tre ved anlegget på Indre Harøy, til å utvide smoltkapasiteten og til generell drift. Salmon Evolution fekk nyleg smolt i kara ved det som er eitt av Europas største oppdrettsanlegg for laks på land.
Publisert: 06.04.2022 09:07
Sist oppdatert: 06.04.2022 15:24