Kraftig kurshopp etter Kongsberg-tal

Planen er at Kongsberg Maritime skal vere ferdig skilt ut og bli eit eige børsnotert selskap i april i år, medan forsvarsverksemda blir liggande att i Kongsberg Gruppen.

Kvartalsrapporten per 4. kvartal viser god lønsemd i begge deler av Kongsberg Gruppen, som i rapporten viser tal for Kongsberg Gruppen både med og utan Kongsberg Maritime, samt eigne tal for Kongsberg Maritime. (Sjå tabell under)

Kongsberg Maritime har produksjon og kontor på Longva, i Brattvåg, Ålesund, Hjørungavåg og Ulstein og eir ein av dei størte private arbeidsgivarane på Nordvestlandet, med over 1000 tilsette.

Størst vekst i nybyggingsmarkanden
Kongsberg Maritime hadde eit driftsresultat på over 15 prosent av driftsinntektene både i 2024 og 2025 og auka både ordreinngang og ordrereserve frå 2024 til 2025.

Leveransar til ettermarknaden (reparasjon, vedlikehald, oppgradering) utgjorde om lag 53 prosent av inntektene i 4. kvartal for Kongsberg Maritim og 54 prosent i heile 2025. Men i fjerde kvartal i fjor var det kontraktar knytt til nybygging som sto for den største veksten ordreinngangen.

Kurshopp
Klokka 09:47 er aksjekursen til Kongsberg Gruppen opp over 15 prosent, samanlikna med i går. Kursen, 370,70 kroner aksjen har ikkje vore høgare sinda i fjor sommar, då den var 394,40 kroner på det høgaste.

Kursen fall kraftig då delingplanen vart kunngjort i fjpor haust og var ned i 229,15 kroner før det snudde i november i fjor.