Børsdagen: Kurskollaps for Atlantic Sapphire

Saka blir oppdatert med børstabell for Nordvestlandet etter stengetid

Atlantic Sapphire-aksjen kollapsa på Oslo børs onsdag og var i løpet av kort tid ned over 75 prosent til 1 krone.

Dagen i forvegen hadde selskapet slept nyheita om at dei ville hente kring 630 millionar mellom 20. september og 4. oktober.

Emisjonen skjer med ein rabatt på 98 prosent samanlikna med sluttkursen tysdag så vidt over fire kroner.

Kursen fall kraftig allereie frå start onsdag.

Analytikar Knut-Ivar Bakken i Sparebank 1 Markets påpeiker til Finansavisen at selskapet framleis har behov for hente inn betydeleg meir pengar for å realisere neste steg av sitt landbaserte oppdrettsanlegg ved Miami i USA.

Bakken meiner kursen ville falle, også utan emisjonsvarsel. Årsaka er å finne i rapporten for første halvår, som også blei slept tysdag.

«Selv om biologien går bedre var resultatet og kontantstrømmen i første halvår betydelig svakere enn ventet. Om de kun hadde sent ut rapporten, så hadde aksjen blitt gruset likevel», seier han til avisa.

Pengene fra lån og kapitalutvidelse skal Atlantic Sapphire nytte til å finansiere drift og investeringar i første byggesteg av anlegget til fram til første byggesteg når overskot på drifta før av- og nedskrivingar (ebtida). Det målet ventar selskapet blir nådd i fjerde kvartal 2025.

Hexagon Composites kom i mål med si kapitalutviding på 300 millionar før midnatt.

Kapitalutvidinga starta etter at børsen stengte tysdag, og vart gjennomført til kurs 35,50 kroner aksjen.

Sluttkursen tysdag var 39,25 kroner, som er den høgaste kursen aksjen har hatt hittil i år. I løpet av onsdagen fall aksjen og låg ein times tid før stengetid på 37,45 kroner.

Sjå tabell over kursutviklinga til dei børsnoterte selskapa på Nordvestlandet under.