L.K. Hjelle verdsett til 23 millionar

Nye aksjonærar skyt inn 12,3 millionar kroner og blir eigar av til saman 54 prosent av aksjane i L.K. Hjelle Møbelfabrikk i Sykkylven.
Kapitalutvidinga verdset møbelprodusenten til 23 millionar kroner.
Dag Hjelle , dagleg leiar og største aksjonær før kapitalutviding, eig 38 prosent etter kapitalutvidinga. Broren Bjørn eig åtte prosent, i følgje Hjelle. Resten av selskapet er eigd av dei nye investorane, der det nyskipa selskapet Råna Invest er størst, i følgje ein pressemelding.

Skal vekse

Målet med emisjonen er mellom anna å finansiere auka satsing på marknadsføring og skape større vekst. I samband med kapitalutvidinga er selskapet og på jakt etter ny toppsjef, medan Dag Hjelle skal arbeid med sal og produktutvikling.

Ekornesaksjonærar

Råna Invest er eit nyskipa selskap for å investere i L.K. Hjelle.
Selskapet har 15 aksjonærar, blant dei tidlegare medeigarar i Ekornes; Torill Anne Ekornes, Gunnhild Ekornes Mertens og Berit Ekornes Unhjem.