Lagar bølgjesimulator for Borgundfjorden

Det er doktorgradsstipendiat Johan Kulin som er i gang med simulering av tilhøva i Borgundfjorden for å kartlegg korleis fjorden kan trafikkerast av ein sjølvstyrt passasjerbåt.

Så langt har han basert seg på data frå eit fåtal bøyer og målestasjonar. No skal det settast ut fleire målestasjonar for å ha eit meir omfattande datagrunnlag for simuleringsprogramma, fortel Møre og Romsdal fylkeskommune i ei pressemelding.

Samarbeidspartnarane i prosjektet Smartare transport er Ålesund og Kristiansund kommunar, NTNU og SINTEF. Arbeidet blir leia av Møre og Romsdal fylkeskommune med støtte frå Samferdselsdepartementet.

12,5 millionar
Møre og Romsdal Fylkeskommune fekk i 2019 12,5 millioner kroner i støtte frå Samferdselsdepartementet for å finne ut om det er råd å sette inn sjølvstyrte passasjerbåtar for å avlaste veitrafikken i trafikktette område.

Prosjektet varer til og med 2022 og omfattar to områder for bruk av slike båtar, hamnebassenget i i Kristiansund og område ved Ålesund, som Ålesund sentrum-Langevåg-Borgundgavlen-Åse.

Prosjektet skal både kartlegge kva slag infrastruktur som må til på land og korleis dei ubemanna båtane må utrustast for å kunne frakte passasjerane trygt og enkelt.