Larsnes sikra arbeid heile 2021

I helga fekk verftet skroget til brønnbåten «Ro Sailor» på plass frå skrogverftet i Polen, og tysdag offentleggjer Larsnes ein avtale om å bygge nok ein brønnbåt.
Kontraktane sikrar verftet og dei i overkant av 60 tilsette arbeid ut 2021.
«Ro Sailor» skal leverast til brønnbåtreiarlaget Rostein, som også er stor aksjonær i verftet. «Ro Sailor» er bygg nummer 67 for verftet, medan brønnbåten til Naviera Orca Chile er bygg nummer 68 - og skal leverast i slutten av 2021.

Vidareutvikling

Bygg nummer 68 er ein vidareutvikling av «Ro Sailor».Brønnbåten blir 70 meter lang og 15 meter brei, med ein lastekapasitet på 2800 kubikkmeter.
Båten blir den niande i rekka av ein serie båtar utvikla i samarbeid mellom Skipskompetanse i Måløy, Larsnes Mek. Verksted og reiarlaga Rostein og Naviera Orca, i følgje ei pressemelding.
Prisen er ikkje opplyst, men etter det NETT NO har grunn til å tru er prisen på dei to båtane i området 350-400 millionar kroner.

Årets skip

Tidlegare i år vart brønnbåten «Ro Sailor» kåra til Årets skip. Ro Vision vart bygd på Larsnes Mek. Verksted og og prisen blei utdelt av fiskeri- og sjømatminister Odd Emil Ingebrigtsen.

Båten er utstyrt med eit stort batteri for å reduseres drivstoff-forbruket.
Også «Ro Sailor» blei teikna av Skipskompetanse i Måløy, Fartøyet blei levert frå Larsnes Mek. Verksted i april.