Ingen gjekk på vatnet i fjor

Utan cruisetrafikk ble dei ingen kundar for korkje Seawalk Geiranger eller Seawalk Nordfjord i 2020.

Selskapa eig og driv foldbare flytekaier som gjer at cruiseskipa kan sende gjestane tørrskodde i land sjølv om både Geiranger og Nordfjordeid manglar djupvasskai som cruiseskip kan legge til ved.

- Når vi har kome opp i fart er det ei vedunderleg forretning, sa Arthur Kordt i selskapet Seawalk til NETT NO etter 2018-sesongen.

Står bak ideen
Seawalk står bak ideen om dei flytande foldbare cruiseskipskaiene og eir medeigar både på Nordfjordeid (33,5 prosent) og i Geiranger (24,2 prosent direkte, i tillegg til at Kordt er medeigar i Geiranger Cruise Handling, som eig 25,9 prosent).

I Seawalk Nordfjord er Jon Olav Lefdals selskap Lefdal Invest største aksjonær med 50,5 prosent av aksjane.

Utbytte
Seawalk Geiranger blei etablert i 2013.

Frå 2017 byrja selskapet å betale utbytte og i åra2017-2019 tok eigarane ut til saman 7,9 millionar kroner i utbytte.

Seawalk Nordfjord hadde sitt første driftssår i 2019.

Både i Geiranger og i Nordfjord vart det full stopp i cruisetrafikken i fjor og dermed heller ikkje innkter for dei to Seawalk-selskapa.

Heller ikkje i år kom det skip til Nordfjord, medan Geiranger kan få i underkant av 30 cruiseskipanløp innan året er omme. Det vil i så fall bety omlag 20.000 cruiseturistar, mot 350.000 i året før koronaepidemien kom, følgje Stranda Hamnevesen.

John Olav Lefdal seier det per i dag er meldt inn 64 cruiseskipsanløp til Nordfjordeid neste år, som vil sikre overskot for Seawalk Nordfjord.