Meiner økonomi går føre sikkerheit

I ein resolusjon frå årsmøtet i Tromsø 23. - 25. september vert det fastslått at anbuda for ferjer og hurtigbåtar har resultert i at reiarlaga redsuerer kompetansekrav og bemanning for å leggje inne lavast mulege anbud.
- Kommersielle omsyn vert sette opp mot dei tilsette, passasjerar og ytre miljø si sikkerheit, heiter det i resolusjonen.
Landsmøtet slår fast at ein forventar at myndigheitene tek denne negative utviklinga på alvor slik at anbudsprosessen ikkje vert ein «bemanningsprosess» som svekkar sikkerheita til sjøs.

Vil ha meir nettoløn

I ein annan resolusjon krev forbundet at norskekysten og norsk kontinentalsokkel vert likestilt når det gjeld konkurransevilkår.
- I desse nedgangstider i oljebransjen hastar det som aldri før å iverksetje tiltak som sikrar norske sjøfolk likeverdige konkurransevilkår. For å sikre at arbeidstakarar til sjøs framleis kan bu i Norge.
Landsmøtet viser til at politikarane kan styrke konkurransekraften gjennom ein markant forbetring av dagens nettolønsordning i NOR-registeret og i den delen av NIS-registeret som ikkje konkurrerer med fartøy i NOR.

Kontroll av bemanningsselskap

I tillegg oppfordrar landsmøtet på det sterkaste regjeringa om å utgreie kva handlingsrom Norge har til å kunne kreve at norske løns- og arbeidsvilkår skal gjelde i samband med olje- og gassutvinning på norsk kontinentalsokkel.
Landsmøtet ber også om betre kontroll og ettersyn av bemanningsselskap som skaffar arbeidstakarar til norskflagga eller norskeigde/kontrollerte fartøy som opererer nasjonalt for å hindre at desse selskapa utnyttar arbeidstakarar til sjøs.
På Landsmøtet vart Helge Andersen fra Region Sør Øst vald til ny leiar med Lasse Westby fra Region Vest som ny nestleiar.