Millionsatsing på campingplassen

I dag er det ti år sidan Ibrahim kjøpte campingplassen ved Stranda sentrum.

I dag det nye hytter og servicebygg på storparten av det gamle campingplassområdet og etterkvart vil heile det opphavleg området vere gjort om til ny stil og standard.

Så langt er det investert 15-20 millionar i oppgradering og nybygg, seier Ibrahim som i dag viste fram den første nye hytta på den nye delen av campingplassen.

Samstundes lanserte han det nye namnet, både på hytta og campingplassen - Koie.

Hytter for sal og utleige
Infrastrukturen i bakken er allereie på plass, og den første hytta - i bakkant av det nye området - er klar til bruk. Den har fem sengeplassar fordelt på tre soverom, pluss hems. Der er bad, kjøkkenavdeling og stove pluss terrasser med grill og boblebad.

Planen er å bygge sju slike hytter til, for sal. Fram mot skråninga mot elva skal det reisast sju litt større hytter, i utgangspunktet for utleige.

Det er snakk inversteingar på 35-40 millionar kroner, i tillegg til det som alt er investert, før alt er ferdig, anslår Ibrahim.

Stor på utleige i Stranda
Ibrahim er ein sentral person i reiselivsbransjen og fritidsbransjen på Stranda.

I 2004 starta han utleige av hytter og fritidsbustadar, eit verksemd som berre har balla på seg.

Mange av fritidsbustadane på Stranda er utleigde i deler av året når eigarane sjølve ikkje brukar dei. Då er det i stor grad Ibrahims selskap Stranda Booking dei brukar.

Omlag 100 fritidsbustadar med rundt 1000 senger har han i porteføljen, dei fleste på Strandafjellet men og på Fjellsetra i Sykkylven og i Stranda sentrum. Kundane som leiger gjennom Stranda Booking betaler rundt 14 millionar kroner i året, som betyr inntekter både for hytteeigarane og selskapet.