Minusresultat i fisket

Mindre fisk og dårlegare prisar gjer at driftsresultat til villfisk-segmentet hos Lerøy Seafood Group fekk eit driftsresultat på minus 50 millionar kroner i 3. kvartal i år. (Sjå tabell - på mobil finn du tabellen nederst på sida)

Segmentet omfattar fiskebåtreiarlaget Lerøy Havfisk, med 10 trålarar og hovudkontor i Ålesund, og søsterselskapet Lerøy Norway Seafoods, som driv foredlingsindustri på land i Nord-Noreg.

Stopp hos hotell og restaurant

Koronaepidemien og tiltaka mot den har gjort at etterspørselen etter fisk har falle frå hotell- restaurant- og cateringbransjen. For fiskeria har dette spesielt gått ut over etterspørselen etter torsk - det økonomisk viktigaste fiskeslaget for Lerøy Havfisk.
Etterspørselsnedgangen har gitt prisfall. I tredje kvartal 2019 var torskeprisen 33,10 kroner pr. kilo, i tredje kvartal 2020 var den 30 kroner per kilo. Aller størst er prisnedgangen på hyse, frå 25,10 til 17 kroner per kilo i same periode.

Fiska meir torsk tidleg

Lerøy Havfisk fiska ein større del av torskekvota si tidleg i år, då torsken var betre betalt. Det var ei avgjerd som i ettertid har vist seg å vere ekstra gunstig, men som slår negativt ut i tredje kvartal.
Så langt i år er har villfisk-segmentet til Lerøy Seafood Group omlag same driftsinntekter som i fjor, medan driftsresultatet er ned frå 252 millionar kroner i årets ni første månadar i 2019 til 215 millionar kroner i årets ni første månader i 2020.
Lerøy Seafood Group er eit børsnoterte sjømatselskap med hovudkontor i Bergen, med oppdrett av laks og aure som største delen av verksemda si.