Moods-grunnleggar kjøper frå konkursbo

Med eitt unntak er alle butikkane som selde Superdry-klede konkurs, . Kjøparen er Jan Egil Flo, ein av grunnleggarane av Moods of Norway.
Han vil ikkje opplyse kva han betalte for varelager, som no skal ut på opphørssal.

Kjøpte tilbake

Moods of Norway, med hovudkontor i Stryn, blei ein vekstrakett i norsk motebransje. Men motoren slokna og i 2017 gjekk Moods of Norway konkurs.

Same haust kjøpte grunnleggarane, med Flo i spissen, buet i konkurranse med fleire andre.
- Vi har kjøpt tilbake heile konkursbuet, Brandstad-kjeden, Moods USA, Moods Sverige, varelager, innbu .... og varemerket, sjølvsagt. Alt! sa Jan Egil Flo

Selde med gevinst

Grunnleggarane satsa på å reetablere Moods-merket og drive vidare, men i mindre skala enn før konkursen.

Dei fekk mellom anna drahjelp av eit godt resultat frå salet av varelageret som var ein del av konkursbuet.