Nei til maks-pris på ferjene

I innstillinga frå Stortingets transport- og kommunikasjonskomite, står regjeringspartia og Frp samla.
Senterpartiet sitt framlegg var å innføre ein maksimalpris på ferjebillettar, og at staten skulle dekke fylka sitt inntektstap ved ei slik ordning.
Arbeidarpartiet, Senterpartiet og Sosialistisk Venstreparti foreslo også at staten skal dekke meirkostnaden fylka har ved omlegging til utsleppsfrie ferjer og hurtigbåtar. Den endringa skal gjelde både for gjennomførte og komande omleggingar.
Dei tre partia meiner tilskot til ferjefylka ikkje har stått i høve til kostnadsutviklinga sidan 2013.

Sa nei

Høgre, Venstre og Frp er representer i transport- og kommunikasjonskomite og utgjer fleirtalet. Regjeringspartia og Frp er ikkje med på framlegga frå Arbeidarpartiet, Senterpartiet og Sosialistisk Venstreparti.
Dei viser til at regjeringa løyver 100 millionar i 2021 for å kompensere for ekstrakostnadar for å få ned utslepp frå ferjer- og hurtigbåat, og at det gjennom Enova er betalt ut 896 millionar kroner som tilskot til å ta i bruk elferjer, og at det er venta at elferjene vil gi reduserte kostnadar på sikt.

Forundra

Regjeringa og Frp er også forundra over Senterpartiet, og meiner Senterpartiet er medansvarleg for prisauken på ferjene:
"Komiteens flertall, medlemmene fra Høyre, Fremskrittspartiet og Venstre, viser også til at det er den enkelte fylkeskommune som har valgt å øke fergeprisene. Flertallet vil påpeke at Senterpartiet selv må ta ansvar for prisøkningene, siden de utgjør en del av flertallet i disse fylkeskommunene. Flertallet stiller seg undrende til at Senterpartiet fremmer forslag om maksimalpriser, da det vil være et inngrep i det lokale selvstyre og bryter med prinsippet om fylkeskommunens mulighet til å prioritere innenfor frie rammer. Det kan ikke tolkes som noe annet enn et ønske om å beskytte innbyggerne mot prisøkninger som Senterpartiets folkevalgte i fylkene gjennomfører."