Etter at det blei brot i meklinga mellom Det Norske Maskinistforbund og bransje- og arbeidsgivarorganisasjonen Fiskebåt i desember i fjor har fagforeininga trappa opp streiken i to omgangar, sist onsdag 8. januar.
Administerande direktør Hege Merethe Bengtson i Det Norske Maskinistforbund det er sannsynleg med ei ny opptrapping i løpet av dei neste 14 dagane, men kan ikkej seie kor mange båtar som då blir tatt ut i streik.
Streiken startar først når båtane som er tatt ut i streik kjem i hamn, og fleire båtane som blei tatt ut i streik i førre veke kjem til hamn denne veka, ifølgje Bengtson.
Det er usemje om nivået på den faste løna til maskinistane striden står om. Det er eit avgjerande element i inntekta til maskinistane, og har berre blitt justert tre gangar dei siste ti åra, argumenterer maskinistforbundet.
Fiskebåt argumenterer i eit lesarinnlegg i Nett No med at maskinistforbunder fekk same tilbod som andre fagforeiningar takka ja til og at maskinistane - og andre tilsette i havfiskeflåten - har hatt ei svært god lønsutvikling dei siste åra.
Av fiskebåtreiarlaga som har fått båtar tatt ut i streik er også reiarlag frå Nordvestlandet; Lerøy Havfiske, Eros og Teigenes.
Publisert: 13.01.2025 12:00
Sist oppdatert: 13.01.2025 14:28