Nesten dobla ordreinngang

Med avdelingar på Longva, Brattvåg, Ålesund, Hjørungavåg og Ulsteinvik er Kongsberg Maritime ein av dei større private arbeidsgivarane på Nordvestlandet, og også eit internasjonalt selskap med tilsette verda over. 

I fjor blei nok eit år med eit kraftig oppsving for Kongsberg Maritime, som er ein del av den børsnoterte Kongsberg Gruppen, der staten er største aksjonær. Målt i driftsinntekt er Kongsberg Maritime også det største datteselskapet i konsernet.

Ordreinngangen i 4. kvartal 2024 var nesten dobbelt så høg som i 4. kvartal 2023. I heile 2024 var orderinngangen opp 28 prosent, samanlikna med 2023. 

Det er vekst i salet av Kongsberg-utstyrt og anlegg både til nye skip som blir bygd og til skip blir reparert, vedlikehaldne og ombygde, ifølgje kvartalsrapporten per 4. kvartal. 

Kongsberg Maritime nyt mellom anna godt av oppsving i offshoremarknaden: "For Kongsberg Maritime er det positivt å se at markeder hvor forretningsområdet tradisjonelt har hatt sterke posisjoner utvikler seg positivt. Offshoremarkedet er et eksempel på dette. Kongsberg Maritimes ordreinngang fra offshoremarkedet utgjorde i underkant av 20 prosent av den totale ordreinngangen fra nye fartøy i 2024.", skriv selskapet i kvartalsrapporten.