Nesten full koronastopp i lufta

I april reiste det berre 9.069 passasjerar over Ålesund lufthamn Vigra, inkludert 552 i transitt.
På innland reiste det 8.491 passasjerar, ein nedgang på 87,4 prosent i høve til april i fjor.
På utland var det kun 26 passasjerar, viser Avinor sin trafikkstatistikk for april.
Totalt var svikten på 90,0 prosent.

94,6 prosent færre på Gardermoen

Berre Svalbard, Gardermoen, Kristiansand og Kirkenes hadde større trafikksvikt.
Apriltala for Oslo lufthamn Gardermoen viser totalt 120.530 passasjerar, ein svikt på 94,6 prosent i høve til april ifjor.
På utland var svikten 98,6 prosent, på innland 88,9 prosent.

Færre flygingar

Hittil i år har det reist 209.608 passasjerar over Vigra. Det er 39,6 prosent færre enn ved same tid i fjor.
Også talet på flygingar har gått kraftig ned. For Avinor sine flyplassar totalt sett er rutereduksjonen på over 60 prosent.

Stort fall på Hovden

Over Ørsta Volda lufthamn Hovden reiste det 2.068 passasjerar i april, ein nedgang på 76,9 prosent i høve til april i fjor.
Hittil i år har det reist 22.743 passasjerar over Hovden, 37 prosent færre enn ved same tid i fjor.
Ved Anda lufthamn Sandane har det vore full stopp i april.