Nesten gjeldfritt Bourbon

Tilbakeføring av tidlegare tapsavsetningar på fordringar og på leige av skip, saman med redusert kostnadar på leige av skip er hovudårsaka til at underskotet før skatt blei redusert med over ein halv milliard kroner for Bourbon Offshore Norway i Herøy i fjor. (sjå tabell til høgre på sida - nederst på sida på mobil).
Men 2019 enda likevel med underskot, og selskapet hadde ei gjeld på 2,7 milliardar kroner ved utløpet av 2019.

Refinansiering

I sommar blei Bourbon Offshore Norway og långivarane samde om ei refinansiering av selskapet.

Avtalen inneber mellom anna sal av sju skip av i alt 21 skip som selskapet eigde eller disponerte, overføring av utleigeavtalar for fire skip til franske søsterselskap og omgjering av gjeld til aksjar i det franske morselskapet.
Avtalen innber og at selskapet sit att med ei gjeld på 60 millionar kroner.
Utgangspunktet etter refinansieringa var godt, men priskrigen på olje med verknaden av den verdsomspennande koronaepidemien på toppen har redusert etterspørselen etter offshorefarty og skapt ny uvisse, ifølgje årsmeldinga for 2019.

Ventar på Frankrike

Uvisse er det og om refinansieringa av morselskapet i Frankrike.
Eitt vilkår for refinansieringa i Noreg er at refinansieringa av heile konsernet fell på plass.