Ni år på rad i pluss

Godt med snø sikrar Bjorli Skisenter som plassen som det stabilt mest lønsame skisenteret på Nordvestlandet.

Skianlegget på Bjorli har gått i pluss kvart år sidan 2011. Reknskapen for 2019/2020-sesongen er ikkje noko unntak.

Strandafjellet Skisenter er større, målt i driftsinntekter, men der er det berre dei tre siste offentleggjorte reknskapa som viser pluss i resultat før skatt.

Wenaas-selskap
Bjorli trekkjer til seg hyttekjøparar både frå Ålesund og Molde, og ligg samstundes slik til at der fell mykje snø - som blir liggande.

Det er gull verdt for mellom andre Bjorli Skisenter, der Wenaas Gruppen i Måndalen er største eigar. Wenaaas Gruppen er eigd av Lars Wenaas og familie.