Norske skip først med metanol

(NPK): Dei to skipa blei måndag døypte i ein høgtideleg seremoni i Ulsan i Sør-Korea, der dei er bygde.
Det er reiarlaga Westfal-Larsen i Bergen og Marinvest og Waterfront Shipping i Haugesund som eig dei to skipa, og begge skipa blir registrerte i Norsk Internasjonalt skipsregister (NIS) når dei blir leverte til reiarlaga sine, opplyser Sjøfartsdirektoratet.
– Dette viser at Noreg er verdsleiande i å leggja ti rette for miljøvennleg teknologi. Det er gøy at dei første skipa som går på metanol får norsk flagg, seier Næringsminister Monica Mæland (H).

Spesialutvikla motorar

Begge lasteskipa er ustyrte med spesialutvikla motorar som kan gå på både metanol, tungolje, marin dieselolje eller marin gassolje.
– Ved bruk av metanol er det mogleg for fartøya å oppfylla utsleppskrava innanfor ECA-områda utan at det er behov for å reisa avgassane, skriv Sjøfartsdirektoratet, som har samarbeidd tett med reiarlaga i prosessen. (©NPK)