Nortel-avtale med børsnotert selskap

Nortel skal levere sine tenester til den norske delen av det rådgivande ingeniørselskapet Rejlers, som er børsnotert i på NASDAQ-børsen i USA.

"Avtalen omfatter leveranse av mobilabonnement til alle ansatte, maskin til
maskin i tillegg til integrasjonsløsninger for blant annet tale i teams", heter det i børsmeldingen frå Nortel.

Avtalen gjeld i første omgang for to år og omfattar 150 brukarar, ifølgje Nortel-sjef Christian Pritchard.

Avtalen er eit resultat av samarbeidet med Mobit, som forhandlar tele-og it-system og utstyr. Nortel og Mobit signerte ein samarbeidsavtale tidleg i år.

Nortel blei børsnotert i november 2020.

Første børsdag var aksjekursen 22 kroner og svinga rundt det nivået fram til slutten av august 2021.

Deretter steig kursen kjapt og har svinga rundt 26 kroner sidan. I dag var kursen ved børsopning 27,50 kroner per aksje, som verdset selskapet til 396 millionar kroner.