- Nullutslepp frå 2026 ligg fast

- Sjøfartsdirektoratet fekk i bestilling frå KLD (Klima og miljøverndepartementet, red merk) å avklare begrepa som ligg i Stortingsvedtaket, til dømes kva som er meint med nullutslepp, men har altså i staden vald å fokusera på teknologistatus.
Det skriv Økland i ein epost til NETT NO.

Vil utsetje til 2030

Stortinget har lagt opp til at det skal vere nullutslepp i verdsarvfjordane frå 2026, men ein fersk rapport frå Sjøfartsdirektoratet langt på veg torpederer desse planane.
Sjøfartsdirektoratet meiner at teknologien er for lite utvikla, og at berre mindre fartøy kan vere nullutsleppsfartøy frå 2026.
Dette meiner direktoratet er ei dårleg løysing sidan det både er konkurransevridande og i tillegg ikkje reduserer utsleppa frå dei store cruiseskipa.
Difor tilrår direktoratet at kravet om nullutslepp vert utsett til 2030.

Carnival-glede

Dette vert helsa med glede frå cruisenæringa.
Sandra Diana Bratland, direktør for Destination Affairs i Carnival Norway, sier til NETT NO at ei utsetjing er bra for alle partar, også for Geiranger og andre destinasjonar i verdsarvfjordane.
- Vi brukar store ressursar på forsking og innovasjon og evaluerer konstant både eksisterande og potensielt ny teknologi som kan bringe oss til ein karbonnøytral operasjon.
- Vi imøteser restriksjonar og reguleringar. Dei må gjerne vere strenge, men dei bør være oppnåelege, seier Bratland.

- Nullutslepp ligg fast

Hege Økland viser på sin side til at det er gjort eit stortingsvedtak om innføring av nullutsleppskrav frå 2026, og Sjøfartsdirektoratet sin rapport endrar ikkje på dette.
Ho viser til at i regjeringa sin handlingsplan for grøn skipsfart (side 38) står det i 2. og 3. kulepunkt:
«Regjeringen vil:

• følge opp vedtaket om å innføre krav om nullutslipp fra turistskip- og ferger i verdensarvfjordene så snart det er teknisk gjennomførbart, og senest innen 2026, og komme tilbake til Stortinget på egnet tidspunkt.
• Vurdere utvidelse av miljøkravene som stilles til skip i verdensarvfjordene til andre norske fjorder.

Mange jobbar med løysingar

Økland viser til at i NCE Maritime CleanTech arbeider klyngepartnarar med utvikling av nullutsleppsløysingar til skipsfarten, der nye energiberarar som hydrogen, ammoniakk og ulike batteriløysingar blir demonstrerte og verifiserte.
- I tillegg arbeider fleire sentrale næringsaktørar i klynga med å få på plass produksjon og distribusjon av flytande hydrogen.
Ho viser til at næringa er avhengig av forutsigbarhet og at det er tydeleg kommunisert når nye utsleppsreguleringar trer i kraft.
- I dette tilfellet opplever eg at det er tydeleg fastsett, ettersom det både er eit stortingsvedtak bak, samt at det også er fastsett i regjeringa sin handlingsplan for grøn skipsfart.