Ny medeigar i Hareid Group

Awilhelmsen-selskap kjøper Teigenefamilien sin aksjepost på 39, 919 prosent i Hareid Group.

Kjøpet skjer gjennom Awilhemsen sitt datterselskapet AWC.

"Vi ser på Hareid Group som et spennende konsern, som de siste årene har hatt en svært positiv utvikling, og som passer godt inn i vår investeringsportefølje", seier investeringsdirektør Andreas Mørk i AWC i ei pressemelding-

"Vi er fra selskapets side svært fornøyde med at AWC kommer inn på eiersiden som en solid og langsiktig eier" seier konsernsjef Olav Haug Vikebakk i Hareid Group i den same pressemelding.

Prisen på aksjane er ikkje opplyst.

Skifta meining etter bod
Den opphavlege planen til Teigenefamilien var å bli verande stor aksjonær i Hareid Group fortel Bjørn Teigene i ei tekstmelding til Nett No. Men så kom bodet frå AWC: 

"Vårt familieselskap mottok et bud som gjorde at vi fant det riktig å revurdere vår opprinnelige eierstrategi. Planen frem til nå har vært å videreføre og utvikle et langsiktig, betydelig eierskap i Hareid Elektriske AS slik vi har gjort fra selskapets etablering. Den transaksjonen som nå er gjennomført gjør at vi også fremover kan bidra til verdiskaping i nye spennede prosjekter", skriv Teigene. 

Treng fleire folk
Hareid Elektriske, som er det formelle namnet på Hareid Group, står på tre bein: Elektronikkhandel med Elkjøpbutikkar i Volda, Ulstein Ålesund og Molde, skipselektro-design og -montering og elektroinstallasjon til byggebransjen og industrikundar på land.

No er det den maritime bransjen som er mest i vinden, og selskapet ser etter fleire folk fortalde det då 2024-rekneskapen vart offentleg i juni i år.

I 2024 hadde konsernet 990 millionar kroner i driftsinntekt og fekk eit resultat før skatt på 62,5 millionar kroner.

Blir med vidare
Dei andre aksjonærane i Hareide Goup blir med vidare på eigarsida etter at Teigenefamiline sel.

Det er Bjørn Bjåstad og familie, gjennom selskapet Bjåstadbakken, som eig 39,919 prosent. Resten av aksjan er fordelt på 36 tilsette i selskapet.

AWC er investeringsselskapet til familieigde Awilhelmsen i Oslo, som mellom anna eig shippingselskapet Awilco og Awilhemsen Offshore.