Ny vekst for advokatar i år

Advokatfirmaet Øverbø Gjørtz har så langt i år ein «ikkje utbetydeleg auke» i inntektene, seiar partnar og dagleg leiar Sturla Dalhaug til Nett No.

Selskapet, med 38 tilsette, er det største advokatselskapet mellom Bergen og Trondheim, og har kontor i Ålesund, Molde, Ørsta og Kristiansund.

Dei fire siste åra har inntektene svinga rundt 60 millionar kroner året. I fjor kraup de over 64 milionar og så langt i år ligg det an til ytterlegare vekst.

Veksten skuldast at firmaet har fått fleire oppdrag - og også har fleire tilsette enn i fjor som medverka til auka oppdragsmengde.

Selskapet spissa for nokre år verksemda si for privatkundar inn mot mot spørsmål om fast eigedom (skjønn, oppgjersoppdrag, forbrukerentreprise, avhendingslov mv.), arbeidsrett, arv/generasjonsskifte, skatt- og avgift, tvisteløysning og prosedyre og erstatningssaker. Samtidig held det fram satsing på forretningjus og offentleg verksemd.

Omlegginga skulle vere med på å auke lønsemda i selskapet.

Selskapet er eigd av 14 partnarar. Partnarane delte ein «overskuddsandel stille deltakere» på 16,4 millionar kroner mellom seg etter fjoråret (som reduserer resultatet før skatt tilsvarande).