Nybakt næringsminister til Sunnmøre

Næringsminister Iselin Nybø (V) kjem på besøk til Sunnmøre neste veke og kjem både til Geiranger og Ulsteinvik.
Statsråden overtok nyleg departementet frå Høgres Torbjørn Røe Isaksen, og det er første gong ho kjem til regionen som næringsminister.

Opningstale i Geiranger

Tysdag kveld skal ho segle frå Ålesund til Geiranger, der ho skal opne Grøn Fjord-konferansen onsdag morgon.
Spørsmålet som stillast under konferansen onsdag og torsdag er «Klimavenlege og berekraftige verdsarvfjordar; betyr det tomme fjordar og fråflytting, eller kan det gje oss nye forretningsmodellar og arbeidsplassar?».
Nybø skal halde opningstalen etter at ordførar Jan Ove Tryggestad i Stranda har ønska velkomen.
(ekstern lenke)

Møter lokale bedrifter

Nybø er også invitert av Ulstein Næringsforum og Maritimt Forum Nordvest som samarbeider om besøket.
Statsråden vil mellom anna møte fleire lokale bedrifter som Ulstein Group, Kleven verft, Island Offshore, Havila Kystruten, Frøy Vest, Sparebank 1 Søre Sunnmøre og Kongsberg Maritime.
Ho vil også møte styreleiar for det komande Skaparhuset, Jan Thormodsæter, fortel dagleg leiar i næringsforeininga, Daniel Garden til NETT NO.
Etter planen skal ho også på omvising ved Ulstein Group. Med seg på laget har Nybø også som er politisk rådgiver.

Les også:

Utfordra statsråden

Nybø blei nyleg utfordra Maritimt Forum gjennom eit der dei trekk fram forventningar til den nye statsråden.
– Utfordringa til ministaren frå ein samla maritim næring, er at regjeringa går frå ord til meir konkret handling, skreiv dagleg leiar Arnfinn Ingjerd i innlegget.
Dei har lagt fram 60 konkrete tiltak som er oversendt næringsministeren. vist til at regjeringa snart kjem med ei stortingsmelding om maritim næring – og at målet framleis er at Norge skal halde på sin posisjon som ein maritim stormakt.

Synspunkt: