Nye pelagiske rekordar

Fiskeskjer tok rekordfangsten på 1400 tonn etter to omgangar med tråling på tretti minutt kvar.
Totalt var båten åtte timar på feltet, før ein kom inn til Fosnavaag Pelagic og leverte makrell for ti millionar kroner.

Men det var ikkje berre Fiskjeskjer som hadde eit godt år i 2015. For mange av dei pelagiske båtane vart det ei rekordår.

Fisk for 6,9 milliardar

No viser årstala frå Sildelaget at det totalt vart omsett fisk for 6,92 milliardar kroner gjennom laget i 2015.
Dette er ein auke på 450 millionar kroner frå 2014, som også var eit godt år.
På konsumsida vart mindre kvantum oppvegd av gode prisar, slik at ein her kom opp i totalt 5,5 milliardar kroner, nesten identisk med 23014.
Auken kom derimot på leveransar til mjøl og olje, og der særleg kolmule stod for veksten.
Dette opplyser Norges Sildesalslag på .

1,5 millionar tonn

Sildelaget opplyser at totalt vart det omsett 1,52 millionar tonn pelagisk fisk i 2015, opp 28 300 tonn frå 2014. Av dette var 810 000 tonn konsumleveransar medan 713 000 tonn var levert til mjøl- og oljeanvendelse. Dette er ein auke på 130 000 tonn for levering til mjøl- og olje og ein nedgang på 101 000 tonn for konsum.
Norske fiskarar leverte 1,06 millionar tonn fisk i Norge til ein verdi på 4,9 milliardar kroner.

Makrell for 3,2 milliardar

Norske fartøy leverte i tillegg 270 000 tonn fisk i utlandet for 665 millionar i 2015. Det er i hovudsak kolmuleleveransar og lodde på Island som dreg opp totalen.
Utanlandske fartøy leverte 190 000 tonn til Norge i 2015. 144 000 av det var makrell, opplyser Sildelaget.
Makrellen er den fisken som står for den største verdien med totalt 386 000 tonn. Verdien var på 3,22 milliardar kroner.