Nytt godt år for Gjendemsjø

- Viss du ser på resultata før 2014 så ser du at det ikkje er så mykje alternativ til å begynne å tene pengar, sa Gjendemsjø etter at omega 3-produsenten Pharma Marine i Søvik i Haram leverte solid auke i både driftsinntekter og lønsemd i 2014.
Omega 3 er feittsyrer som spesielt finnes i feit fisk, og som har fleire positivet helseeffektar. Omega 3-industrien, har sitt norske tyngdepunkt på Nordvestlandet, og lagar omega 3-produkt av fisk og andre dyr i sjøen- og fiskeavskjær.

2015-tala er også gode (sjå tabell), men Gjendemsjø vil framleis ikke bruke ordet gjennombrot for selskapet. Til det er konkurransen i marknaden for tøff.

Større konkurranse

Dei siste åra har fiskeriselskap i Sør-Amerika, som tidlegare var reine råvareleverandørar, sjølve byrja å produsere omega 3- produkt. I tillegg har kinesiske produsentar kome på banen.
Konsekvensen er at den norske industrien har fått redusert sin andel av verdsmarknaden. Den skjerpa konkurransen gjer 2015-resultatet ekstra gledleg.
- Vi er kjempefornøgd med det resultat vi fekk, seier Gjendemsjø.

Tre kritiske faktorar

Ifjor sa Gjendemsjø til NETT NO at det ikkje lenger er produktutvikling som er flaskehalsen for Omega 3-industrien i Noreg, men handelshindringar, forsking for å dokumentere helseeffektar og marknadsføringsinnsats.
Den vurderinga gjeld framleis, meiner han.

Omega 3-veteran

Gjendemsjø er av pionerane innanfor Omega 3. I 2006 selde han selskapet Napro Pharma i Brattvåg til finansaktøren Cognis (selskapet i Brattvåg har hatt fleire eigarskifte, er no ).
I 2007 starta Gjendemsjø Pharma Marine, som i 2014 fekk sitt første reknskap i pluss.