Nytt hopp for Hofseth

Når aksjekursen i kroner blir låg nok gir små endringar målt i kroner store relative utslag. 

I dag steig aksjekursen til Hofseth Biocare 7,5 prosent, til 1,72 kroner aksjen. Det gjorde selskapet til dagens vinnar på børsen av dei børsnoterte selskapa på Nordvestlandet. Hittil i år har kursen derifmot falle med 34,4 prosent.

Selskapet vidareforedlar avskjer og restråstoff frå lakseslakteri til ingrediensar til helsekost og kjæledyrfór, og eigne helsekostprodukt. Dessutan arbeider det med å få godkjent produkt som legemiddel. 

Så langt gjenstår det for selskapet å tene pengar, og kursen har vore fallande i fire år på rad.