Oljepris over 80 dollar fatet

Høgaste oljepris sidan oktober 2018. Opp over 300 prosent sidan april 2020.

Spotprisen for eitt fat nordsjøolje steig og passert i dag tidleg 80 dollar fatet for første gang sidan oktober 2018.

Klokka 08:56 er prisen 80,49 dollar fatet.

Spotprisen er prisen for levering her og no.

Under 20 dollar fatet
21. april 2020 var prisen 19,66 dollar fatet, etter eit bratt prisfall på grunn av den verdsomspennande koronaepidemien. Epidemien og smitteverntiltaka mot den gjorde at oljeetterspørselen stupte, og prisen med den.

21. april var vendepunktet. Etterpå har oljeprisen stige jamt og trutt.