Opnar for reise til og frå «grøne» land

(ekstern lenke)
Justisminister Monica Mæland og næringsminister Iselin Nybø la fredag fram nye reiseråd som opnar for reiser til og frå store delar av Europa. Blant landa er Hellas, Italia, Frankrike og Spania.

Personar som er busett i EØS og Schengen-området, der det er ein tilfredsstillande smittesituasjon, får frå 15. juli reise til og frå Norge, fortalde Mæland.
Krava til karantene for personar frå desse landa blir samtidig letta på.
Ei slik opning er gode nyheiter for store delar av reiselivsbransjen påpeika næringsminister Nybø, og viste til at mange bedrifter vil få auka inntektene sine og få fleire tilsette tilbake i arbeid.

Les også:

Blir meir sårbare for smitte

Justisminister Mæland påpeika at ei slik opning også gjer landet meir sårbart for smitte, og at alle bør tenke seg godt om før dei reiser.
Ho sa at ei slik opning, ikkje var ei tilråding om å reise - og at pandemien framleis var ei global utfordring.
Folkehelseinstituttet skal oppdatere ei , over kva land som er «raude» og «grøne» soner. Cirka kvar 14. dag vil instituttet på ny vurdere kva land som oppfyller dei nye kriteria.

Delvis raudt i Sverige - og seks andre land

I Sverige kan nordmenn frå 15. juli reise karantenefritt til regionane Skåne, Blekinge og Kronoberg. Reiser til resten av landet vil framleis medføre karantenekrav ved retur til Noreg.
Det er berre seks andre land i EU/EØS/Schengen-området der reiser framleis vil medføre innreisekarantene når ein kjem tilbake til Noreg. Det gjeld Bulgaria, Kroatia, Luxembourg, Portugal, Romania og Ungarn.
(ekstern lenke)