Oppdrettsstriden starta i retten

(NPK): Måndag byrja ei to veker lang rettssak mellom 25 oppdrettarar på Vestlandet og staten.
Rettssaka går i Sogn og Fjordane tingrett i Førde. I sommar saksøkte 25 oppdrettarar i produksjonsområde 4 staten for at dei må redusere produksjonskapasiteten sin med 6 prosent i to år, skriv .
Striden handlar om at i trafikklysordninga som regulerer vekst i næringa. Dermed måtte produksjonskapasiteten ned.

Krev erstatning

I innleiingsforedraget sa advokat Trond Hatland frå Thommessen på vegner av oppdrettarane at vedtaket kom utan forvarsel.

– Vedtaket om at oppdrettarane måtte slakte ut fisk før tida, måtte kutte i planar og produksjon framover, kom utan førehandsvarsel, utan innsyn i grunnlaget på førehand, utan moglegheit til å reise spørsmål, eller innvendingar - eller moglegheit for å klage, sa Hatland, ifølgje .
Målet til oppdrettarane er primært å få endra forvaltninga, men dei krev også 250 millionar kroner i erstatning som eit minimum.

Mengda lakselus avgjer fargen

Trafikklys-fargane i dei ulike produksjonsområda seier noko om lakselus-tilstanden. Kriteriet er kor stor negativ effekt lakselus har på vill laks i kvart område. Kvart produksjonsområde hamnar i ein av tre kategoriar, grønt, gult eller raudt. Grønt kan gi vekst i produksjonen, medan raudt kan gi reduksjon.
Fiskeri- og sjømatminister Odd Emil Ingebrigtsen uttalte i starten av januar at han meiner styresmaktene har eit godt grunnlag for vedtaket om nedtrekk.
– Eg har forståing for utfordringane pandemien fører til for oppdrettsnæringa, og registrerer at oppdrettarane i PO4 er ueinige i grunnlaget for fargelegginga i sitt område og har saksøkt staten. Eg meiner vi har eit godt fagleg grunnlag for avgjerdene som er tatt. Utover dette ønskjer eg ikkje å kommentere søksmålet, skreiv Ingebrigtsen i ein e-post til Intrafish.

Les også:

(©NPK)