Opprettar eige koronafond

– Ekstraordinære tider krever ekstraordinære tiltak. Derfor har vi raskt snudd oss rundt og vedtatt ei betydeleg tildeling for å kompensere for bortfall av inntekter til rekka av lag og foreiningar som står for svært viktig og verdifulle arbeid for å sikre gode fritidsaktivitetar for barn og unge over heile Vestlandet.
Det seie Hallgeir Isdahl, styreleiar i Sparebankstiftelsen Sparebanken Vest, i ei pressemelding tysdag.

- Barn og unge kan bli taparar

Sparebankstiftelsen Sparebanken Vest blei etablert hausten 2019.
- Det er barn og unge som risikerer å bli taparar etter denne krisen dersom dei laga og foreiningane som står for deira fritidsaktivitetar ikkje overlever krisen økonomisk.
- Den økonomiske krisa vil med stor sannsynlegheit vare lenger enn helsekrisa. Mange familiar vil få større utfordringar med å finansiere barnas fritidsaktivitetar, samtidig som sponsormarknaden for lag og organisasjonar vil vere vesentleg mindre. Det ønsker vi å avhjelpe, seier Bjørn Thømt, dagleg leiar i Sparebankstiftelsen Sparebanken Vest, i pressemeldinga.

Rosar initiativet

Tildelingskriteriane for fondet på 100 millionar kroner vil bli definerte og offentleggjorde seinare.
Konsernsjef Jan Erik Kjerpeseth i Sparebanken Vest rosar initiativet.
– Dette viser styrken i sparebankmodellen. Vi skal vere leiande på bankdrift, men vi skal også vere leiande på samfunnsområdet.
Vedtaket på om utdeling av 100 millionar kroner kom på ei ekstraordinær generalforsamling i Sparebankstiftelsen Sparebanken Vest måndag.