Oppsving for Busengdal

- Det blei eit bra år, seier dagleg leiar Rolf Anders Håberg i Busengdal om 2019.
I åra 2016-2018 var lønsemda svak, og 2017 enda til og med i minus.
I fjor blei det både meir å gjere og samstundes færre prosjekt. Det slo svært positivt ut (Sjå tabell. På mobil finn du tabellen nederst på sida)
- Vi har fått utnytta kompetansen og utstyret på ein god måte, seier Håberg.
Aller deler av verksemda gjekk i pluss i fjor og etter å ha kome nesten halvvegs i 2020 anslår Håberg at 2020 blir omlag som 2019, både når det gjeld lønsemd og driftsinntekt.

Byggjer Nordøyvegen

Busengdal er eitt av selskap som samarbeider om å byggje Nordøyvegen gjennom selskapet Anlegg Nordvest.
Det er eit samarbeid som Håberg håpar skal vidareførast i nye større oppdrag, der samarbeidspartnarane kvar for seg er for små til å konkurrere.

Både i stat- og fylke blir det arbeidd med større prosjekt, som kjem ut i marknaden, i følgje Håberg.

120 tilsette

I dag har Busengda-lkonsernet - som også omfattar Gjermundnes Naturstein - omlag 120 tilsette.
Ordrereserven er på line med for eitt år sidan og til Nordøyvegen-bygginga kjem selskapet til å trenge fleire folk i eitt og eit halvt år framover.
Konsernet er eigd 50/50 av Bjørn og Erling Busengdal og deira familiar.