Inntektene til Skipsteknisk har aldri vore høgare i nominelle kroner enn i 2024. Førre inntektsrekord var i 2018, med 172 milionar kroner.
Lønsemda auka også, og driftsmarginen (driftsresultat i prosent av driftsinntekt) er blant dei høgare selskapet har hatt dei siste 10 åra.
Det er ny og høgare aktivitet i marknaden for skip til offshore og anna energibransje-aktivitet til havs som er årsak til inntektsveksten i fjor. Den auken meir enn veg opp for at det er mindre å gjere i fiskebåtmarknaden, ifølgje årsmeldinga for 2024.
Optimistisk
"Styret forventer at etterspørselen av konsernets tjenester vil utover inneværende år, også inn i kommende år.", skriv styret i årsmelding.
Selskapet sysselsette 52 årsverk i 2024. Konsernet, som også omfattar datterselskapa Skan El i Ålesund og eit skipsdesignselskap i Tyrkia, sysselsette 81 årsverk i fjor.
Fem aksjonærar
Skipsteknisk har fem eigarar (eigarandel i parantes):
Dagleg leiar Hans Inge Holmøy sitt selskap Holmøy Invest (27,8 prosent).
Bjørn Oscar Kløvning sitt selskap Bok Holding (27,8 prosent).
Kjell Jarle Holmøy sitt selskap KH Invest (17 prosent)
Robert Teige sitt selskap Shiparo (15 prosent)
Karsten Otto og Robert Teige sitt selskap Palander Holding (12,5 prosent)
| Skipsteknisk as (morselskap) | ||
| Tal i mill. kroner | 2024 | 2023 |
| Driftsinntekt | 174,9 | 130,9 |
| Driftsresultat | 43,0 | 9,9 |
| Resultat før skatt | 47,5 | 15,2 |
| Skan El as | ||
| Tal i mill. kroner | 2024 | 2023 |
| Driftsinntekt | 8,9 | 8,2 |
| Driftsresultat | 0,9 | 2,3 |
| Resultat før skatt | 1,0 | 2,5 |
Publisert: 31.07.2025 10:14
Sist oppdatert: 31.07.2025 10:41
