Over 21.000 oljejobbar borte

I fjor sommar spådde Statoil-tillitsvald Bjørn Asle Teige at 20.000 jobbar kunne forsvinne i oljebransjen. Den siste oppdateringa frå DNB Markets viser at han fekk rett, . Avisa presenterer i dag ei liste over alle nedskjeringane i oljebransjen.
- Eg beklagar at eg fekk rett, seier Teige til avisa i dag.
Det er aksjemeklar Truls Oma Erichsrud i DNB Markets som har utarbeida lista over nedbemanningar i oljebransjen i Noreg.
Erichsrud startet kartlegginga i august i fjor, og lista dekkjer kutt som er annonsert frå og med 1. januar 2014.

4500 færre Statoil-jobbar

Så langt har Statoil kutta eller varsla kutt av 4500 stillingar. Det delvis statseigde selskapet er størst, og også det som kuttar mest i oljebransjen.
DNB Markets har eitt høgt (22.805) og eitt lågt (21.438) anslag over kor mage jobbar som er borte,eller varsla at skal bli borte.
Nedskjeringstakta er aukande, i følgje banken, og i dag vart det illustrert ved at
National Oilwell Varco har til saman 450 tilsette i Molde og på Hjelset.

Over 500 i Rolls-Royce

Rolls-Royce Marine har tyngdepunktet sitt på Nordvestlandet, og er og det selskapet på Nordvestlandet som kuttar med i følgje lista frå DNB Markets.
Til saman er det snakk om 805 færre oljejobbar i nordvest, i følgje lista.
Her er nordvest-selskapa på kutt-lista frå DNB Markets, med tal på kor mange som skal bort:
Rolls-Royce Marine: 534
Vard (permittering): 180
Farstad Shipping: 135
Linjebygg Offshore: 50
Island Offshore: 41
DNB Markets har sett opp lista basert på informasjon gjennom media og delvis og ved direkte kontakt med bedriftene.