Over 75 prosent kursfall

Då Havila Kystruten vart børsnotert i august 2021 var selskapet i ein kort periode verdsett til over 1,2 milliardar kroner. Etterpå har det gått nedover.

I dag er verdien 91 millionar kroner, etter eit kursfall på 75 prosent samanlikna med i går.

Årsaka er refinansieringa av selskapet for å fri det frå banda til sin statseigde russiske långivar, GTLK, og dermed slepp unna konsekvensen av at GTLK er råka av sanksjonene mot Russland etter Ukraina-krigen.

Opphavleg var målet å erstatte eitt lån med eit anna, men utfallet blei tilslutt ein kombinasjon avein emisjon på 65 millionar Euro og eit obligasjonslån på 325 millionar euro. Emisjonskursen er 1,10 kroner. I går var kursen 5,06 kroner.

I dag var sluttkursen for Havila Kystruten 1,23 kroner, slik at dei som vart med på emisjonen natt til i dag har ein liten potensiell gevinst på handa.