Politiet med storaksjon på Haramsøya

Torsdag morgon stiller politiet opp med mykje mannskap og mange bilar på Haramsøya.
På veg er også ein bergingsbil.

- Står ved eit vendepunkt

Der slår politistasjonssjef Oddbjørn Solheim fast at Politiet ikkje tar side i striden om vindkraftprosjektet, og at ein har akseptert passiv motstand, men viser til at det er eit lovleg fatta vedtak om utbygging av vindmøller.
- Men når det gjeld direkte ulovlegheiter, kan vi ikkje lenger vere tolmodige.
- Vi står no ved eit vendepunkt. Våre mannskap har i dag fått ordre om å fjerne alle fysiske hindringar. Vi skal også passe på at ingen vert skada når store og tunge anleggsmaskiner skal flyttast, seier Solheim.
Han ber demonstrantane om å ikkje å forsøke å diskutere med mannskapa som er sende ut.
- Dei har ordre om å utføre oppdraget. Lovleg arbeid skal kunne utførast i rettsstaten Norge.

Sperrar Fjellvegen

Saman med Politiet er det også representantar frå selskapet Stangeland Maskin, som har oppdraget med å byggje vegar, oppstillingsplassar, fundament og kablar til dindkraftanlegget på Haramsfjellet.
Anleggsmaskinene til Stangeland maskin har hittil ikkje å lukkast å ta seg opp på fjellet ettersom både folk og bilar sperrar Fjellvegen.
Politiet har gjort fleire forsøk på å må fjerne demonsntrantane og opne Fjellvegen, men har så langt mislukkast.
Ein av dei som sperrer vegen er grunneigar Hans Petter Thue.

Politiet melder også på Twitter at i oppdraget som pågår har politiet to roller; det eine er å gi rom for at usemje kjem til uttrykk, men også sørge for at tilkomstvegar og arbeidsplassar vert haldne opne, slik at lovleg arbeid kan gjennomførast.

Åtte vindmøller

Totalt skal det setjast opp åtte vindmøller, med 82 meter tårnhøgde og 136 meter rotordiamater.
Regjeringa har godkjent utbygginga, som er forventa å gi ein årleg kraftproduksjon til å dekke forbruket til rundt 7.000 husstander.
Drifts- og utbyggingsansvarleg er Zephyr, medan eigar er finske Taaleri Enerhia.