Rasstengt veg: – Bør vere ein vekkjar

Transportnæringa er mellom dei som får ein utfordrande kvardag som følgje av at fylkesveg 61 er stengt etter eit jordras i helga.
Tysdag føremiddag er det klart at vegen tidlegast kan opne onsdag, får NETT NO opplyst fra Statens vegvesen.
Konsernsjef Lars Elling Bjåstad i Veøy fortel til NETT NO at han sjølv køyrde strekninga eit par timar før raset kom laurdag kveld.
– Eg tenkte sjølvsagt litt over det i ettertid, men vi har køyrt her i fleire tiår og sjeldan tenkt at risikoen er så stor. Dette viser at vegstrekninga er mykje meir risikofylt, enn vi har vore budd på. Det bør vere ein vekkjar både for fylke, kommune og oss på ferdast langs vegen, fortel han.

Gir konsekvensar for drifta

Strekninga tek kvar dag fleire tusen bilistar til eit av dei mest travle ferjeleia i fylket. For transportselskapet er ferja mellom Sulesund og Hareid – som no segler Hareid-Solavågen i staden – sjølve innfallsporten til både søre Sunnmøre og delar av Nordfjord.

– Vi skal levere på tid til kundar, så no må vi starte tidlegare om morgonen. Likevel blir konsekvensen også seinare levering til sluttkunden. Samtidig aukar kostandane våre, legg han til.

Mange pendlarar råka

Transportselskapet har hovudkontor på Åndalsnes, og bilane deira køyrer over store delar av kysten. I tillegg er dei majoritetseigarar i Veøy Møre i Ålesund.
Sjåførane til transportselskapet er difor vande med nokre utfordringar langs vegen, men dette er det lite dei kan gjere noko med, påpeiker Bjåstad.
– Dette får også konsevensar for dei som pendlar. Slik er det å bu på eit øysamfunn, men det viser også kor avhengige vi er av oppetida på desse sambanda, fortel konsernsjefen.

Tidlegast opning onsdag

Ved 10-tida opplyser Statens vegvesen at oppryddingsarbeidet startar tysdag, men at vegen tidlegast opnar onsdag.
– Vi må vere sikre på at det er trygt, både for dei som skal rydde og for dei som skal køyre her etterpå, fortel kommunikasjonsrådgivar for samferdsel Anne Marit Øksenvåg Johansen til NETT NO.
Det er mykje stein, tre og jordmassar som må ryddast bort og det er få timar med dagslys å jobbe i. Skadar på vegen som treng utbedring kjem ikkje til syne før vegen er rydda.
– Vi forstår at mange vil vite når vegen blir opna. Per no har vi ikkje svaret på det, seier byggeleiar Grete Berge i Statens vegvesen i ei pressemelding.

Les også: