Rekordresultat i Ørskog

Resultatet etter skatt i 2022 er det beste Ørskog Sparebank har hatt (sjå tabell under).

Med stigande rentenivå har bankane auka rentemarginen - skilnaden mellom rente på utlån og rente på innskot. Det gjeld også Ørskog Sparebank, og vil slå positivt ut på lønsemda også i 2023.

- Eg trur det vil bli eit bra år også i 2023, mykje på grunn av rentenettoen, seier administrerande direktør Eirik Kavli i Ørskog Sparebank,

Utlånsvekst i fjor - slappare i år
Banken hadde ein utlånsvekst på 9,5 prosent i fjor. Omlag 80 prosent av utlåna i banken går til privatkundar, det utlån til bustadbygging og -kjøp er det som tel mest.

Les børsmelding her

Aktiviteten i bustadmarknaden er reduserte kraftig, og om det held seg framover vil banken ikkje få same utlånsvekst i år som i fjor, ventar Kavli.

Skiftar it-system
I løpet av første halvår skiftar banken it-system. Det er ein tid- og arbeidskrevande prosess som kjem til å gjere at banken blir mindre aktiv i utlånsmarknaden i første halvår.

Det vil også få ein verknad på utlånsveksten, ifølgje Kavli.