Rekordår for Vassendgutane

I åra før koronapandemien kom låg inntektene til Vassendgutane rundt 12 millionar kroner i året i fem år på rad.

I 2022 passerte inntektene førkoronanivå, og veksten held fram i fjor, til ny rekord (sjå tabell).

Berre i etableringsåret 2008 har selskapet Vassendgutane vore i nærleiken av inntektene bandet hadde drog inn i fjor, målt i nominelle kroner. Då var inntektene 17,8 millionar kroner.

Fire eigarar
Selskapet har fire eigarar, bandmedlemane Rune Ståle Brautaset, Arthur Johan Bjørdal, Ernst Olaf Brune og Sindre Aam. Dei eig ein fjerdepart kvar i selskapet.

Vassendgutane har gått i pluss kvart år sidan starten og har bygd opp ein eigenkapital på 16 millionar kroner. Selskapet har ikkje langsiktig gjeld.

7,8 millionar kroner står i banken og selskapet eig aksjar som er bokført til 4,8 millionar kroner.